Auf Hinblick zum nextn Fest ham sie wieder die Seebrucker Dorffrauen und Madls droffa, um fia de Buam Socka und Loiferl zum Stricka. Des werd ca. olle drei Joa gmacht und es gibt immer a guade Brotzeit dazua.
Da Hauptanlass is as anstehende Fest im nextn Joh.
Wie schon von den Peterkirchner Trachtla berichtet worn is, waren de Seebrucker Aktiven Trachtler nach wochenlangem Proben zusammen mit de Aktiven der Trachtenvereine vo Obing, Frabertsham, Eggstätt, Altenmarkt und Peterskirchen sowie de Schnalzer vo Peterskirchen und unsere Musikanten auf der Oidn Wiesn aufn Oktoberfest letzte Woche.
Wir mechtn uns herzlich bedanken bei allen, de es uns möglich gmacht ham, dass wir als Gebietsgruppe rauffahren ham kenna und auftreten ham derfa. Vor allem an die Magda Lena, die alles so super organisiert hat.
Es war a super scheena Dog, es hod uns Vereine nomoi umso mehr zusammengeschweißt und zoagt dass wir a richtig guade Truppe san. Wir hoffen, wir derfan nächstes Jahr wieder gesammelt dabei sei.
